काय करु रामा,पुन्हा निवडणूक आली
रामा रामा रामा, तुझी आठवण झाली
काय करु रामा,पुन्हा निवडणूक आली
तुझे आणि माझे आहे अजब नाते
दर इलेक्शनला तुझे मंदिर आठवते
तुझ्याशिवाय रामा कोण आम्हा वाली
काय करु रामा,पुन्हा निवडणूक आली
मंदिराच्या मुद्द्याला जरी साठ वर्ष झाली
धर्माची जखम आम्हांला करता येते ओली
भावनिक होते दरवेळी जनता ही भोळी
काय करु रामा,पुन्हा निवडणूक आली
त्यांना ना तुझी चिंता ना तुझ्या मंदिराची
फक्त तुंबडी भरायची आहे जनतेच्या मताची
कोर्टाची पायरी आहे रामा तुझ्या भाळी
काय करु रामा,पुन्हा निवडणूक आली
© राजेश खाकरे
मो.७८७५४३८४९४
No comments:
Post a Comment