त्यांना आयुष्यभर झुलत झुलत ठेवायचं
आपण फक्त बोलून मोकळं व्हायचं || धृ ||
ते जीव जाळत उपोषण करत बसले
हक्काचे पाहिजे ते त्यांना नाही भेटले
जरा जास्त झालं की लाठीखाली घ्यायचं
आपण फक्त बोलून मोकळं व्हायचं || १ ||
समित्यांवर समित्या बैठकावर बैठका
हा अहवाल तो अहवाल असंच फक्त करायचं
सकारात्मकतेचा डोस देत राहायचं
आपण फक्त बोलून मोकळं व्हायचं || २ ||
मराठ्यांच्या भविष्यासाठी एक योद्धा लढतोय
झाले चौदा दिवस रोज तीळ तीळ तुटतोय
मराठयांच्या आकांताला समजून नाही घ्यायचं
आपण फक्त बोलून मोकळं व्हायचं || ३ ||
© राजेश खाकरे
मो.7875438494
एक मराठा लाख मराठा