होतं असं...
कधी कधी नेम चुकतो, होतं असं
धनुष्याचा बाण चुकतो...होतं असं
आपलच असतं एरव्ही सगळं काही
वेळ पडता सगळं संपतं... होतं असं
पालन पोषण करून मोठा होतो मुलगा
बापावरतीच हात उगारतो... होतं असं
डोळ्यादेखत आपल्या कधी पडतो दरोडा
आपण नुसते बघत राहतो... होतं असं
सत्यापेक्षा सत्तेचा दबदबा ज्यादा
लोकशाही केविलवाणी होते...होतं असं
सगळे हुंकार कागदावरती उमटत नाही
सगळं- सगळं सांगत नाही कविता... होतं असं
© राजेश खाकरे
मो.७८७५४३८४९४
No comments:
Post a Comment