ती सध्या काय करते...?
(Version 1.7 )
ती कधी मायेने त्याचा हात हातात घेते
प्रेमभराने त्याला हृदयाशी धरते
ती कधी रागारागाने खुप भांडून घेते
कधी उगीच हळवी होऊन त्याच्या कुशीत शिरते...
दूर क्षितिजाकड़े बघत कधी एखाद्या सांजवेळी
मायेची ऊब होऊन त्याला धीर देत असते...
जीवनातल्या सुखद दुःखद प्रसंगी मंद हास्यानी ती त्याला विश्व जिंकण्याची प्रेरणा देते ...
त्याने तीच्या केसात माळलेल्या मोगर्याच्या फुलाप्रमाने ती पेरत जाते त्याच्या आयुष्यात समाधानाचा सुगंध...
कधी करते ती हट्ट... तो पुरवतो म्हणून
ती वाचते त्याचे मन एखाद्या पुस्तकाप्रमाने
त्याच्या आणि तीच्या भावना जेव्हापासून एकत्र गुंफल्या आहेत तेव्हापासून...
ती आणि तो करतात एकमेकांवर जीवापाड प्रेम आजही...
प्रेमाचे रुपांतर लग्नात होऊन झाली असतील 10 वर्षे...
तो प्रेमाचा सुगंध तसाच जपून ठेवलाय त्यांनी आजही...
ती आधी ही त्याच्यावर खुप प्रेम करायची...
ती सध्या ही त्याच्यावर खुप प्रेम करते...
© राजेश खाकरे
Mo 7875438494
rajesh.khakre@gmail.com
(मित्रांनो, 6 जानेवारीला "ती सध्या काय करते" या नावाचा एक मराठी चित्रपट प्रदर्शित होतो आहे...ह्या चित्रपटाचे नाव वाचून मला सुचलेल्या माझ्या 8 वेगवेगळ्या पैलूंच्या रचना मी आपणापुढे मांडत आहे.आपल्या चांगल्या वाईट प्रतिक्रिया नक्की कळवा.)
No comments:
Post a Comment