गुढीपाडवा
नवीन वर्ष नव्या कामना
नवोन्मेष नवीन भावना
गुढी आनंदाची नववर्षाची
उत्साह,चैतन्य स्फूर्तीची
चैत्राची नवीन पालवी
दुःखास अलगद मालवी
कडुनिंबाची कडू डहाळी
आरोग्याची देई आरोळी
गाठीच्या गोड साखरेत
मधुर शब्द भरे ह्रदयात
वस्त्र भरजरी शोभे त्यावर
मंगल कलश मंत्रोच्चार
भव्य आभाळी घेई उडी
गुढीपाडव्याची उंच गुढी
© राजेश खाकरे
मो.७८७५४३८४९४
जीवन
जीवन किती सोपं
किती असतं अवघड
म्हटलं तर खेळ
न सुटणारं कोडं
हवे सर्वांनाच
जीवनामध्ये सुख
कधी असते छाया
किंवा नुसतीच धूप
ओझे एक अनामिक
डोईवरती सदैव
जाताना निघून
एकटा फक्त जीव
आशा आकांक्षा
मनात भरलेल्या
पूर्ण करता करता
मागेच उरलेल्या
किती जगून गेलेत
किती मरून गेलेत
जीवनाचे रहस्य
कुणा कळून आले
पोटासाठी लागतात
दोन घास जगायला
छोटासा निवारा
वस्त्र अंग झाकायला
जीवनात हवे हवे
कधी ते सुटत नाही
काय खरे हवे
ते कळत नाही
जीवन म्हणजे असे
मृगजळाचा खेळ
धावून धावून फक्त
उर फुटायची वेळ
जीवन म्हणजे देवाची
असते अनमोल भेट
काही असे काही तसे
सुखदुःखाची समेट
© राजेश खाकरे
rajesh.khakre@gmail.com
मला वाटते
मला वाटते लोन मिळावे
कोटी अथवा अब्ज मिळावे
परत करण्याची वेळ येता
दूरदेशी मी भुर उडावे
सगळ्या बँकेत अर्ज करावे
मिळेल तितके ढापून घ्यावे
पुन्हा कधी ना तोंड दावावे
मला वाटते लोन मिळावे
तुमच्या बँकेमध्ये जाता
पेनालाही तुम्ही दोर बांधता
तो पेनबी (pnb) घेऊन जावे
मला वाटते लोन मिळावे
जरा फुकाचा पैसा येता
सगळ्या दूर होतील चिंता
ऐषोरामात खूप लोळावे
मला वाटते लोन मिळावे
सर्व पैशाचा करून चुराडा
परदेशात मजेत जगावे
सगळी बोंबाबोंब पहावे
मला वाटते लोन मिळावे
रिकामी मग बँक होता
एक एक पैसा भरेल जनता
मी कशाला चिंता करावे
मला वाटते लोन मिळावे
© राजेश खाकरे
rajeshkhakre.blogspot.in
बालकविता: विमानाची डोकेदुखी
एके दिवशी विमानाची गंमत झाली भारी
उंच गेले आकाशात आली त्याला घेरी
अचानक विमानाचे लागले डोके दुखायला
तारांबळ उडाली एकच ठोके लागले चुकायला
कुणी दिला बाम आणि कुणी दिली गोळी
विमानाचे डोके ऐकेना कुणाची आरोळी
आपला बंटी आजीसोबत विमानात होता बसला
काय माहित विचार तो करत होता कसला?
आजीबाईच्या बटव्यातून कसली औषधी दिली
विमानाची डोकेदुखी लगेच बरी झाली
सर्वाचा प्रवास मग अगदी सुखाचा झाला
आजी आणि बंटीचा जयजयकार सर्वांनी केला
-राजेश खाकरे
मो.७८७५४३८४९४
